Ballina-2

    Mes koreografive dhe zhurmave të një stadiumi që brohoriste emrin e tij – Ronaldo debuton me fitore tek Al-Nassr

    Cristiano Ronaldo pas tri javësh që u transferua në Al-Nassr, bëri debutimin e tij në një ndeshje zyrtare. Ylli portugez pati minutazh të plot, në fitoren që skuadra e tij korri 1:0 kundër Al-Ettifaq. Tifozët arabë mirëpritën me shumë ovacione dhe koreografi yllin portugez.

    Momenti i shumëpritur erdhi sot. Cristiano Ronaldo debutoi me Al-Nassr, në sfidën e vlefshme për javën e 15-të në kampionatin arab kundër El-Ettifaq, duke ngadhënjyer kështu skuadra e tij me rezultat të ngushtë 1:0.

    Përtej rezultatit dhe rëndësisë së pikëve, ishte 37-vjeçari portugez në qendrën e të gjithë reflektorëve. Atij iu deshën plot tri javë pritje për të arritur që ta bënte debutimin në kampionat, pasi vuante pezullimin prej dy ndeshjeve moslojë nga Federata e Futbollit të Anglisë, që prej kohës sa ishte futbollist i Manchester United.

    Gjithsesi, tifozët vendës përgatitën një koreografi, ku shkruhej “Vamos” (“Përpara”) – duke i dhënë kështu mirëseardhje Ronaldos.