Lionel Messi është rikthyer sot në stërvitje me skuadrën e tij, Paris Saint-Germain.
Shtatë herë fituesi i Topit të Artë u shpall kampion bote me Argjentinën dhe pati disa ditë pushim.
Me rikthimin e tij, klubi parisien ia bëri “koridorin e nderit” kampionit të botës.
Pas kësaj pritjeje të ëmbël, Messi ka reaguar në rrjetet e tij sociale.
“Falenderoj shumë bashkëlojtarët dhe gjithë njerëzit e klubit për mirëpritjen që më bënë. Tashmë jemi rikthyer dhe mezi presim të vazhdojmë të përmbushim objektivat e këtij sezoni, tani me PSG”, shkroi Messi.