Lionel Messi brenda një periudhe të shkurtër do të vendos se ku do ta vazhdojë karrierën.
Dhe gjëja e vetme që duket e sigurtë është se nuk do të jetë në Barcelonë, ka shkruar BBC-ja të mërkurën. Messi nuk do të donte asgjë tjetër përveç se të rikthehej në shtëpinë e tij, qëkur u largua nga Argjentina si 12-vjeçar, për ta përcjellur ëndrrën futbollistike.
Por përfaqësues të yllit argjentinas i kanë thënë Barcelonës se e ardhmja e tij duhet të zgjidhet shpejtë dhe se nuk mund të presin për ndonjë ofertë e cila ende nuk ka arritur, pavarësisht se klubi nga Katalunja kishte premtuar për një gjë të tillë. 35-vjeçari, fitues i Kupës së Botës, dëshiron të qëndrojë në Evropë, por pasi ka vendosur të largohet nga Paris Saint-Germaini në verë, ofertat që kanë ardhur në drejtim të tij nga Evropa, nuk kanë qenë atraktive sa duhet.
Në Arabinë Saudite ka edhe zyrtarë qeveritarë që po punojnë në transferimin e tij. Është thënë po ashtu se Messi ka pranuar një ofertë të jashtëzakonshme nga Al-Hilal, që po bëhet gati për transferimin e madh. Një tjetër opsion është skuadra amerikane Inter Miami, edhe pse nuk ka pasur marrëveshje.