Futbollisti i Gjilanit, Mevlan Zeka, është zgjedhur lojtari më i mirë i xhiros së 34-t të Superligës. Zeka ishte më meritori që Gjilani barazoi 1:1 në derbin me Dritën.
“Kënaqësi e veçantë të shpallesh ‘Ylli i Javës’ sidomos për ndeshjen derbi të qytetit, kur dihet rivaliteti i dy klubeve. Personalisht po kaloj formë të mirë te Gjilani dhe po e ndihmoj skuadrën drejt arritjes së objektivave. Tani jemi në finale të Kupës dhe shumë afër sigurimit të plasmanit në Evropë”, ka thënë Zeka, që çmimin ua ka kushtuar tifozëve “Skifterat”.
FFK-ja pas çdo xhiroje e shpall më të mirin. Përzgjedhjen e bëjnë veteranë të futbollit kosovar.