Mijëra tifozë brohoritën në qendër të Parisit pas ardhjes në shtëpi të përfaqësueses franceze që humbi në finale të Kupës së Botës në Katar. Kylian Mbappe dhe lojtarët tjerë të Francës zbarkuan në aeroportin “Charles De Gaulle” pas orës 20:00 të hënën.
Të gjithë janë dukur pa disponim me të arritur. Lojtarët dukeshin të lodhur dhe shumë të zhgënjyer nga humbja në finale.
🇫🇷⚽ Les Bleus sont arrivés à l'hôtel de Crillon, à Paris pic.twitter.com/Gc4jhTpTAT
— BFMTV (@BFMTV) December 19, 2022
Lojtarët u vendosën në autobusin që i dërgoi në “Place de la Concorde”, ku prisnin mijëra tifozë. Atje disponimi i lojtarëve u përmirësua. Ndryshe nga viti 2018, kur Franca u bë kampione e botës, përfaqësuesja nuk bëri paradë. Tifozët megjithatë bënë një pritje të ngrohtë për lojtarët, në një mbrëmje të ftohtë në Paris. U shfaqën flamuj, ndërsa u këndua “La Marseillaise” ndërsa lojtarët dhe trajneri Didier Deschamps dolën në ballkonin e “Hotel de Crillon”.
