Roko Vata ka debutuar në mbrëmjen e djeshme me ekipin e parë të Celtic.
Vetëm 17-vjeç, por e konsiderojnë si një talent me potencial të madh. Mbetet të shihet sesi do të zhvillohet karriera e këtij futbollisti në të ardhmen.
Por fakti se ka debutuar në një moshë kaq të hershme në një ekip si i Celtic, që shquhet për nxjerrjen e talenteve, tregon jo pak për Roko Vatën. Në mediat italiane kanë raportuar se edhe Milani ka shfaqur interesim për të marrë djalin e Rudi Vatës, por në Skoci nuk mund të heqin dorë kaq lehtë prej tij.