Milani ka shënuar fitore të madhe ndaj Juventusit të dielën mbrëma. Milani fitoi 1:0 në Torino, me golin e shënuar nga Olivier Giroud në minutën e 40-të.
Ndeshja i ka takuar xhiros së parafundit të Serie A. Me fitore, Milani ka siguruar vendin e katërt dhe me këtë edhe paraqitjen në fazën grupore të Ligës së Kampionëve edicionin e ardhshëm.
Milani i ka 67 pikë, ndërsa Atalanta në vendin e pestë i ka 61 pikë. Në Serie A ka mbetur edhe një xhiro.