Trajneri Stefano Pioli nuk e ka aspak të sigurt të ardhmen e tij në krye të skuadrës së Milanit, ka shkruar “Calciomercato” të hënën.
Rezultatet e dobëta javën e shkuar kanë bërë që te Milani të mendojnë për shkarkimin e trajnerit italian. Në tri ndeshjet e fundit, Milani ka regjistruar 2 humbje dhe 1 barazim në të gjitha garat. Ka pësuar nga Juventusi në kampionat dhe PSG-ja në Champions, përpara se të barazojë 2:2 me Napolin në Serie A.
Aktualisht zë vendin e tretë në kampionat, kurse në Ligën e Kampionëve ende nuk di për fitore, ku ka tubuar dy pikë pas tri ndeshjeve të luajtura. Thuhet se Pioli tashmë është paralajmëruar nga klubi dhe se patjetër duhet të rikthehet te fitorja në ndeshjen e ardhshme. Milani, të shtunën, luan në shtëpi kundër skuadrës së Udineses.