Milani është ndalur me barazim nga Cremonese, në ndeshjen e vlefshme për javën e 14-të në Serie A.
Ndeshja e zhvilluar sonte në stadiumin “Giovanni Zini” u mbyll baras dhe pa gola, shkruan Gazeta Express.
Divock Origi shënoi një gol në minutën e 56-të për “Rossonerët”, por që u anulua pastaj për pozitë jashtë loje pas rishikimit nga VAR-i.
Milani pas këtij barazimi ka 30 pikë dhe është i dyti në tabelë, me 8 pikë më pak se skuadra lidere, Napoli.
Cremonese me 7 pikë pozicionohet në vendin e 18-të.