Milani ka shënuar fitore të rëndësishme në garën për një vend në top-katërshe.
Kampioni në fuqi e fitoi sot derbin ndaj Lazios, të vlefshëm për javën e 34-t në Serie A
Ndeshja e zhvilluar në stadiumin “San Siro” përfundoi me rezultatin 2:0.
Për skuadrën e drejtuar nga Stefano Pioli ishte kjo fitorja e parë, pas dy barazimeve radhazi.
Ismail Bennacer (17′) dhe Theo Hernandez (29′) shënuan golat e vlefshëm për tre pikë të reja për “Rossonerët”.
Milani pas kësaj fitore ka 61 pikë dhe tani renditet i katërti në tabelë, me dy pikë më pak se Juventusi, si dhe një më shumë se Interi. Këto dy skuadrat kanë një ndeshje më pak se Milani.
Lazio mbetet në pozitën e dytë me 64 pikë.