Tashmë gjithçka është e qartë. Federata e Futbollit e Kosovës i ka plotësuar të gjitha kriteret për licencim në MKRS, gjë të cilën e ka konfirmuar edhe ministri Hajrulla Çeku.
Ajo çfarë ka mbetur është se disa klube nuk kanë mundur t’i plotësojnë dokumentet ende dhe kjo ka bërë që Ministria përkatësisht Komisioni për licencim të mos lëshojë pe dhe vazhdon ta mbajë të bllokuar futbollin.
Klubet janë në pritje nga ministri nga i cili po presin një reflektim, pasi ato nuk duan të bëhen viktimë e moslicencimit për shkak që një pjesë e klubeve nuk i kanë plotësuar dokumentat. Sipas tyre ata kërkojnë një zgjidhje tash ndërsa për klubet që nuk I përmbushin kriterët t’u jepet një afat shtesë.
Çeku dje në një intervistë për Presing në T7 tha se federate i ka plotësuar kriteret dhe kanë mbetur edhe disa klube me shpresë se brenda pak ditëve Komisioni do të dal me një vendim dhe ky proces tejet i tej zgjatur do të përfundojë me një licencim.
Dita e fundit e afatit për vitin fiskal është nesër dhe nëse kjo datë ikën atëherë klubet do të përjetojnë një krizë të madhe dhe dikush duhet ta marrë këtë përgjegjësi.