Ministri i Sportit, Hajrulla Çeku i është përgjigjur me një postim letrës që ia dërgoi UEFA-s, Federata Serbe e Futbollit për garat ilegale të saj në territorin e Kosovës.
Përmes kësaj letre nuk është treguar realiteti në terren, përkatësisht fakti që garat e serbëve lokalë në Kosovë organizohen nga Federata e Futbollit e Serbisë.
Dhjetë ditë më parë nisi e ashtuquajtura Ligë e Anamoravës, ku xhiron e parë e zhvilluan dhjetë ekipe të serbëve. Është kjo një prej ligave qarkore të Federatës së Futbollit të Serbisë, që në Kosovë konsiderohet si ilegale.
E ministri kosovar ua ka bërë me dije serbëve që garat ilegale nuk do të lejohen të mbahen në territorin e Kosovës.
Në të kaluarën, serbët kanë luajtur në Kosovë si në bahçe të babës, duke i zhvilluar aktivitetet në territorin e Republikës së Kosovës, por në kuadër të ligave serbe.