Drita ka mbetur pa trajner, pas shkarkimit nga puna të Ardian Nuhiu tre javë më parë.
Skuadra gjilanase ende nuk ka vendosur për të parin e shtabit teknik, derisa në listë kanë disa emra.
Njëri nga trajnerët që pëlqehet nga gjilanasit është Mirel Josa, që aktualisht është në krye të Vllaznisë së Shkodrës.
E para ndeshjes me Kastriotin, Josa ka folur për interesimin e Dritës, duke thënë se e respekton atë, por që nuk ka kontakt me klubin gjilanas dhe është i fokusuar te Vllaznia.
“Unë nuk kam pasur asnjë lloj kontakti. Unë respektoj ekipin aktual që jam. Kam një kontratë me të. Nëse ka interesim, sepse kur ka interesim për një person në skuadër, qoftë trajner, qoftë pjesëtar i stafit, qoftë lojtar, duhet ta respektosh”.
“Të respektosh interesimin që kanë klubet e tjera karshi teje, por është një problem që unë nuk mendoj shumë për atë punë. Unë mendoj për punën time këtu”.
“Nga klubi i Dritës unë nuk njoh askënd. Unë njoh vetëm nga Prishtina që kam punuar dy vite atje”, deklaroi Josa në konferencën për shtyp.