Luka Modriq është i bindur se Kroacia do të përgatitet të ndalë Lionel Messin në gjysmëfinalen e Kupës së Botës, të martën.
Mesfushori i Real Madrid pranoi se mbrojtja e tyre do ta ketë të vështirë për ta ndaluar yllin e Paris Saint-Germain përpara duelit që do të zhvillohet në stadiumin “Lusail” të Katarit.
“Argjentina është një ekip i madh”, tha Modriq për RTVE.
“Unë nuk pres vetëm të luaj kundër një lojtari. Sigurisht, Leo Messi është një [lojtar] shumë i madh, lojtari i tyre më i mirë dhe ne do të kemi shumë vështirësi për ta ndaluar atë, por ne jemi gati dhe do japim gjithçka”.
“Ne do të përpiqemi të luajmë ndeshjen më të mirë të jetës sonë në turne. Shpresoj se do të jetë e mjaftueshme për të arritur në finale”, transmeton Klankosova.tv.
Modriq pranoi se Kroacia nuk është konsideruar si një nga favoritët për të fituar turneun, por tregoi se ai ka besim në ekipin e tij.
“Është normale, të gjithë favorizojnë më shumë për vendet e mëdha”, shtoi Modriq.
“Meqë jemi një vend i vogël, askush nuk na merr parasysh, por nuk e kemi problem që të tjerët të jenë favorit dhe ne të jemi në hije”.
“Kjo është diçka nga jashtë, [diçka] që ne nuk mund ta kontrollojmë. Ne mund të konkurrojmë vetëm në maksimum dhe të japim gjithçka, që është forca jonë”.
“Para se të largohesha për në Kupën e Botës, ne folëm shumë për këtë në dhomën e zhveshjes dhe i thashë ‘kujdes nga Kroacia’”.
“Pashë një ekip shumë të mirë, të pjekur, me lojtarë të rinj që kanë sjellë cilësi dhe energji të reja”.
Modriq nuk mori pjesë në penalltitë kundër Japonisë në raundin e 16-të, por ai ishte një nga lojtarët që mundi Alisson në penallti kundër Brazilit.
Ylli i Real Madrid theksoi se i pëlqente më shumë të ishte në gjendje të ndihmonte ekipin e tij gjuajtjet e penalltive.
“Është më keq të jesh jashtë, ta shikosh nga pankina dhe të mos jesh në gjendje të ndihmosh”, theksoi ai.
“Është shumë tension dhe nuk është e lehtë, është shumë më keq. Nuk është e lehtë as të gjuash një penallti. Duhet të jesh i qetë, i sigurt, por është më mirë se të jesh jashtë”.