Kapiteni i Kroacisë, Luka Modriq, ka thënë se mentaliteti i fortë i ekipit të tij, ka bërë që ta eliminojnë Brazilin në çerekfinale të Kupës së Botës.
Kroacia u kualifikua në gjysmëfinale, pasi e mposhti Brazilin me penallti.
Modriq thotë se futja e Kroacisë në mesin e katër ekipeve më të mira të Botërorit është diçka impresive.
“Është arritje e madhe. Ne nuk u dorëzuam për asnjë moment sepse kemi mentalitet të fortë. Falë mentalitetit dhe besimit, arritëm të kalojmë në gjysmëfinale edhe pse askush nuk ka pritur një gjë të tillë”, është shprehur Modriq. “Ne kishim edhe pak fat që kaluam tutje por mendoj se kemi treguar një paraqitje të mirë në përgjithësi”.