Jose Mourinho i ka detyruar futbollistët e Romës të pozojnë së bashku në dhomën e zhveshjes pas humbjes nga Napoli.
Roma pësoi disfatë 2:1 nga Napoli të dielën mbrëma në stadiumin “Diego Armando Maradona” në kuadër të javës së 20-të në Serie A.
Roma tentoi ta shmangte humbjen 15 minuta para fundit të përballjes kur El Shaarawy barazoi rezultatin në 1:1, megjithatë 11 minuta më vonë vendasit kaluan sërish në avantazh me golin e Simeones, gol i cili i dha fitoren atyre.
Strategu portugez pas ndeshjes nuk ju la hapësirë futbollistëve të tij për zhgënjim duke i detyruar një fotografi të përbashkët.
Futbollistët dhe stafi vërehej qartë në fytyrë se ishin të dëshpëruar me humbjen, por që ishte vendim i Mourinhos, përcjellin mediat italiane.
Napoli mbetet lider i padiskutueshëm në renditjen e Serie A me 53 pikë, 13 më shumë se Interi. Roma mbetet në pozitën e gjashtë me 37 pikë.