Përfaqësuesja e re e Kroacisë e pa rrezen e dritës në vitin 1992. Ndeshja e parë ishte miqësorja kundër Australisë, më 7 maj të po këtij viti. Që atëherë, kroatët kanë arritur tri herë në gjysmëfinale të një Kupës së Botës.
Një arritje e pabesueshme, edhe sepse Kroacia është një vend që me as 4 milionë banorë. Shpërthimi i parë ndodhi në “Francën ’98”, në pjesëmarrjen e saj të pare në Botëror, ku skuadra ballkanase mbërriti në gjysmëfinale për të sfiduar mikpritësit, pasi poshtëroi kampionen në fuqi të botës, Gjermaninë (3-0).
Një dygolësh nga Thuram i dha fund ëndrrës (2-1), por skuadra e atëhershme e drejtuar nga Miroslav Blazevic do të ngushëllohej duke fituar medaljen e bronztë, falë suksesit ndaj Holandës. Në botërorët e viteve 2002, 2006 dhe 2014, nuk arriti të kalonte fazën e grupeve, ndërsa në vitin 2010 as u kualifikua në Kupën e Botës.
Finalja në Rusi, katër vjet më pare, është histori e kohëve të fundit. Përsëri, ishte Franca ajo që i dha fund ëndrrës. Ndoshta edhe këtë edicion përsëritet e njëjta finale.