Sulmuesi i Ukrainës, Mykhailo Mudryk pritet të largohet nga skuadra e Chelseat. “The Sun” shkruan të premten se te Chelsea nuk janë të kënaqur me paraqitjet e tij dhe për këtë arsye po mendojnë ta largojnë pas përfundimit të edicionit aktual.
Në fakt, Chelsea do ta huazojë diku tjetër 22-vjeçarin, i cili nuk ka shënuar gol për Chelsean në 23 paraqitje të zhvilluara.
Mudryk iu bashkua ekipit nga Londra në janar të këtij viti nga Shakhtar Donetsku për 90 milionë euro dhe ende nuk ka arsyetuar çmimin e tij.
Ai ka kontratë me skuadrën e Chelseat deri në vitin 2031, ndërsa edicionin e ardhshëm pritet të luajë diku tjetër por si i huazuar.