Trajneri i FC Prishtinës, Ismet Munishi ka sqaruar arsyen e nofkës së tij të re te klubi kryeqytetas.
Munishi te Prishtina tanimë ka marrë nofkën “djali i kryeqytetit” dhe jo si “Ismet Baba” siç i referohej ai vetes më parë.
Trajneri i mirënjohur i futbollit të Kosovës ka treguar arsyen se pse nofka e tij ka ndryshuar te klubi më i trofshëm i futbollit të Kosovës.
“Unë e kam pasur nofkën “baba” dhe me thonë “baba” është pak problem. Më mirë në Prishtinë është me ardh si djali i kryeqytetit. Në Prishtinë edhe në Real Madrid nuk mund të ketë “baba”. Mund të ketë anëtarë, mund të ketë trajnera, djem të qytetit, por klubi është qaq i madh sa nuk e pranon një gjë të tillë”, ka deklaruar Munishi në Kanal10.
Ismet Munishi dhe Prishtina ndodhen në vendin e katërt me 21 pikë, një më pak se Gjilani që ka dy ndeshje më shumë se “bardhekaltrit”./Demokracia.com/