Arijanet Muriq me Sassuolon të dielën kanë fituar ndaj Udineses me përmbysje të rezultatit 2:1.
Sassuolo u kthye te fitorja pas disfatës që e pësoi xhiron e kaluar nga Interi.
Ndeshja ndërmjet Udineses dhe Sassuolos i takoi javës së 25-të të Serie A.
Udinese e mbylli pjesën e parë në epërsi me golin që e shënoi mbrojtësi francez, Oumar Solet, në minutën e dhjetë.
Sassuolo shënoi dy gola brenda dy minutave në pjesën e dytë për fitoren shumë të rëndësishme.
Fillimisht Armand Lauriente në minutën e 56-të i barazoi shifrat në 1:1. Dy minuta më pas, Andrea Pinamonti, e realizoi golin e fitores. Pinamonti asistoi edhe te goli i parë.
Portieri i Kosovës, Muriq, kishte paraqitje solide ndaj Udineses.
Sassuolo dhe Udinese kanë nga 32 pikë dhe renditen në mesin e tabelës.