Skuadra e inkuadruar në Premier League, Ipswich Town, ka arritur marrëveshje me Burnleyn për transferimin e portierit të Kosovës, Arijanet Muriq. Kështu ka raportuar të shtunën “The Athletic”.
Klubi anglez pritet t’i paguajë rreth tetë milionë euro për shërbimet e 25-vjeçarit.
Muriq pritet ta zëvendësoj portierin polak Vaclav Hladky, i cili është larguar nga Ipswich Town më 1 qershor.
Muriq është pjesë e skuadrës së Burnleyt, ekip që nga edicioni i ardhshëm do të bëjë gara në kategorinë e dytë të futbollit anglez. Në edicionin 2023/2024, Muriq me fanellën e Burnleyt ka zhvilluar 14 paraqitje në të gjitha garat.