Portieri i Kosovës, Arijanet Muriq, ka pranuar katër gola të shtunën në disfatën e Burnleyt në Premier League.
Burnley të shtunën pësoi disfatë të thellë në shtëpi nga Neëcastle United, me rezultatin 4:1.
Ndeshja u zhvillua në stadiumin “Turf Moor” dhe i takoi xhiros së 36-të të Premier Leagues. Për Muriqin kjo ishte ndeshja e tetë si startues këtë edicion me Burnleyn që po lufton për mbijetesë.
Sulmuesi Callum Wilson e shënoi golin e parë në ndeshje në minutën e 19-të.
Për 2:0, realizoi mesfushori Sean Longstaff në minutën e 35-të. Golin e tretë dhe të katërtin në ndeshje i shënuan Bruno Guimaraes në minutën e 40-të, dhe Alexander Isak në të 55-tën. Mbrojtësi Dara O’Shea e realizoi golin e vetëm për Burnleyn në minutën e 86-të.
Burnley është në vendin e parafundit në tabelë me 24 pikë.
Newcastle United renditet në pozitën e gjashtë me 56 pikë.