Mallorca e ka shkarkuar trajnerin Jagoba Arrasate pas rezultateve të dobëta këtë edicion në La Liga të Spanjës.
Në njoftimin e klubit spanjoll bëhet e ditur se largimi i Arrasates do t’i hap rrugë një kapitulli të ri me synimin për të siguruar mbijetesën në elitën e futbollit spanjoll.
“Mallorca dëshiron të falënderojë publikisht punën, profesionalizmin dhe përkushtimin e treguar nga Jagoba Arrasate dhe i gjithë stafi i tij teknik gjatë kohës së tij në krye të ekipit. Angazhimi i tyre i përditshëm dhe sjellja shembullore kanë qenë gjithmonë në lartësinë e asaj që përfaqëson ky entitet. Klubi ju uron fat të mbarë si në nivel personal ashtu edhe profesional në projektet tuaja të ardhshme”, shkruan në njoftimin e Mallorcas.
Te Mallorca lider është sulmuesi i Kosovës, Vedat Muriqi.
Ai ka shënuar 16 gola dhe tashmë ka arritur shifrën e 50 golave në La Liga me fanellën e Mallorcas.
Ai është golashënuesi i dytë më i mirë në histori të klubit. Vetëm Samuel Eto’o ka shënuar 54 gola.