Vedat Muriqi ka shënuar golin e gjashtë në elitën e futbollit spanjoll. Të premten mbrëma, Muriqi shënoi në barazimin 1:1 me Espanyolin, në kuadër të xhiros së 12-të të La Ligas spanjolle.
Ai shënoi në fillim të pjesës së dytë nga afërsia, por në mënyrë atraktive.
Megjithatë, Jose Carlos Lazo i Espanyolit barazoi shifrat në minutën e 70-të.
Muriqi e kompletoi ndeshjen te Mallorca, kurse Keidi Bare u inkuadrua në lojë te Espanyoli tetë minuta para fundit.
Mallorca në vendin e 12-të ka 13 pikë, dy më shumë se Espanyoli.