Mesfushori Florent Muslija, do t’i mungojë skuadrës së Paderbornit për duelin me Nurnbergun që zhvillohet këtë vikend në kuadër të Bundesligës 2.
Muslija nuk do të paraqitet në këtë ndeshje pasi do të grumbullohet me Kosovën për duelin ndaj Izraelit në kuadër të kualifikimeve për “Euro 2024”. Paderborni, të shtunën e pret Nurnbergun, ndërsa Kosova të dielën luan në Prishtinë me Izarelin ndeshjen e mbetur kualifikuese.
Edhe pse Muslija është njëri prej lojtarëve më të rëndësishëm te Paderborni këtë edicion, tek ekipi gjerman e kanë parë të arsyeshme ta lirojnë mesfushorin para kohe për të qenë pjesë e Kosovës.
Ai ka 6 gola dhe 8 asistime këtë edicion për Paderbornin. “Florent Muslija meriton të grumbullohet me Kosovën dhe ne si klub nuk mund të kemi ndikim në vendimin e UEFA-s”, ka thënë trajneri i Paderbornit, Lukas Kwasniok.