Florent Muslija ka qenë vendimtar sërish për skuadrën e Paderbornit.
Paderborni me golin e shënuar nga Muslija në minutën e 73-të nga penalltia të cilën e siguroi vetë, ka siguruar një pikë në udhëtimin e vështirë te Hamburgu.
Ndeshja Hamburg – Paderborn, që i takoi xhiros së 31-të të rangut të dytë të futbollit gjerman dhe u zhvillua të premten mbrëma, u mbyll me rezultatin 2:2.
Për futbollistin 24-vjeçar të Kosovës ishte goli i nëntë në Bundesliga 2, ndërsa ai ka edhe pesë asistime.
Paderborni që synon vendin e tretë, plejofin për inkuadrim në Bundesligën gjermane, ka 51 pikë në pozitën e katërt. Hamburgu është i treti me 57 pikë.