Kampioni në fuqi i Italisë, Napoli, është bërë me trajner të ri të hënën mbrëma. Bëhet fjalë për Francesco Calzonan. Italiani 55-vjeçar ka punuar si ndihmës në skuadra të shumta, ndërsa prej vitit 2022 është selektor i Sllovakisë.
Napoli e nisi kampionatin me Rudi Garcian, që udhëhoqi skuadrën nga 15 qershori deri më 14 nëntor. Në vend të tij erdhi Walter Mazzarri, që qëndroi në pozitë deri të hënën. Mazzarri u shkarkua në mungesë të rezultateve.
Sipas mediave italiane, Calzona është zgjedhje për periudhë të shkurtër, deri në fund të edicionit.
Calzona do ta mbaj postin e selektorit të Sllovakisë, ndërsa do të filloj me stërvitje te Napoli të martën. Pjesë e rëndësishme e Napolit është kapiteni i Kosovës, Amir Rrahmani.