Napoli po vazhdon me formën e lartë këtë sezon, teksa sonte regjistroi edhe fitoren e nëntë radhazi në Serie A.
Skuadra e drejtuar nga Luciano Spalletti gjithashtu vazhdon të jetë e vetmja pa humbje.
Në derbin e javës së 11-të, Napoli shënoi fitore në udhëtim kundër Romës.
Ndeshja që u zhvillua sonte në “Olimpico” përfundoi me rezultatin 0:1.
Golin e vetëm dhe të fitores së radhës për napolitanët e shënoi nigeriani, Victor Osimhen, në minutën e 80-të.
Napoli pas kësaj fitore ka 29 pikë dhe vazhdon kryesimin në tabelë, me tri pikë më shumë se Milani, që është i dyti.
Roma tani renditet e pesta me 22 pikë.