Napoli ka shënuar fitore dramatike përballë Interit të dielën, në kuadër të xhiros së 36-të të elitës së futbollit italian.
Napoli në stadiumin “Diego Armando Maradona” fitoi ndaj finalistit të Ligës së Kampionëve, Interit, me rezultatin 3:1. Interi nga minuta e 41-të luajti me një lojtar më pak në fushë pasi me kartonin e dytë të verdhë u ndëshkua Roberto Gagliardini. Për 1:0 për kampionin e ri të Italisë shënoi mesfushori Andre Zambo Anguissa në minutën e 67-të.
Romelu Lukaku barazoi rezultatin në minutën e 82-të, kurse Anguissa më pas asistoi për Giovanni Di Lorenzon, pesë minuta para fundit.
Rezultatin final e vulosi Gianluca Gaetano në minutën e pestë të shtesës. Napoli në pozitën e parë ka 86 pikë në 36 ndeshje, kurse Interi mbetet me 66 pikë dhe është në zonën që dërgon në “Champions”.