Napoli i drejtuar nga Antonio Conte e ka fituar derbin e Italisë përballë Milanit me rezultatin 2:0.
Ndeshja Milan – Napoli u zhvillua në “San Siro”, ndërsa i takoi xhiros së dhjetë të Serie A italiane.
Romelu Lukaku shënoi golin e parë në minutën e pestë, kurse të dytin Khvicha Kvaratskhelia në minutën e 43-të. Në fillim të pjesës së dytë, Milani shënoi një gol. Por goli i Alvaro Moratas në minutën e 47-të u anulua për pozitë jashtë loje.
Amir Rrahmani luajti deri në fund të ndeshjes për Napolin që forcohet në vendin e parë me 25 pikë nga dhjetë ndeshje të zhvilluara.
Milani është i teti me 14 pikë nga nëntë ndeshje. Interi është i dyti me 18 pikë nga nëntë ndeshje.