Napoli po vazhdon me formën e lartë këtë sezon, teksa sonte regjistroi edhe fitoren e dhjetë radhazi në Serie A.
Skuadra e drejtuar nga Luciano Spalletti gjithashtu vazhdon të jetë e vetmja pa humbje këtë sezon.
Në ndeshjen e vlefshme për javën e 12-të, Napoli shënoi fitore të thellë kundër Sassuolos.
Ndeshja e zhvilluar këtë të shtunë në stadiumin “Diego Armando Maradona” përfundoi me rezultatin 4:0.
Victor Osimhen shkëlqeu në këtë përballje, pasi realizoi het-trik. Nigeriani shënoi në minutat 4, 19 dhe 77.
Goli tjetër u shënua nga Khvicha Kvaratskhelia, në minutën e 36-të.
Napoli pas kësaj fitore ka 32 pikë dhe vazhdon kryesimin në tabelë, me gjashtë pikë më shumë se Milani, që është i dyti dhe momentalisht ka një ndeshje më pak.
Sassuolo ndodhet në pozitën e nëntë me 15 pikë.