Napoli ka shënuar fitore ndaj Atalantas, me rezultat 2-1, në kuadër të javës së 13-të në Serie A.
Të parët në epërsi kaluan vendasit me Ademola Lookman, në minutën e 19’, derisa në minutën e 23’ Victor Osimhen, e barazoi rezultatin për Napolin.
Në minutën e 35’, Napoli kaloi për herë të parë në ndeshje në epërsi me Eljif Elmas. Me këtë rezultat përfundoi pjesa e parë.
Në pjesën e dytë, dy skuadrat kishin rastet e tyre, por që nuk arritën t’i konkretizonin. Në fund ndeshja përfundoi me fitoren e napolitanëve.
Napoli pas fitores mbetet në vendin e parë me 35 pikë, pas 13 ndeshjeve, derisa Atalanta një pozitë më poshtë me 27 pikë.