Cristiano Ronaldo pati natë të veçantë në ndeshjen e parë kualifikuese për “Euro 2024”.
Ronaldo me Portugalinë të enjten mbrëma fituan përballë Lihtenshtajnit me rezultatin e thellë, 4:0.
Ronaldo theu rekordin botëror për më së shumti paraqitje me përfaqësuese.
Me Portugalinë zhvilloi ndeshjen e 197-të, ndërsa me dy golat e realizuar, shkoi në kuotën e 120 golave me fanellën portugeze.
Kjo ndeshje i takoi Grupit J.
Joao Cancelo në minutën e tetë shënoi për 1:0, ndërsa Bernardo Silva realizoi për 2:0 në minutën e 47-të.
Ronaldo nga penalltia trefishoi epërsinë në minutën e 51-të, ndërsa rezultatin final të takimit e vulosi në minutën e 63-të.
Portugalinë në këtë ballafaqim e drejtoi për herë të parë Roberto Martinez, që e mori drejtimin e skuadrës pas largimit të Fernando Santosit.
Në ndeshjet tjera të Grupit J, Bosnjë-Hercegovina mposhti Islandën 3:0, me dy gola të Rade Kruniqit, dhe një tjetër të cilin e realizoi Amar Dediq.
Sllovakia dhe Luksemburgu luajtën baras, 0:0.