FC Prishtina ka njoftuar me pikëllim të thellë ndarjen nga jeta të Dren Feratajt, anëtar i çmuar i stafit dhe përgjegjës për IT-në e klubit.
Në njoftimin zyrtar, klubi thekson se Dren Ferataj ishte më shumë se një bashkëpunëtor, duke e cilësuar atë si mik të afërt, mbështetës të palodhur të ekipit dhe person shumë të dashur për lojtarët dhe stafin. Sipas klubit, ai la gjurmë të pashlyeshme me urtësinë, qetësinë dhe pozitivitetin e tij të përhershëm.
“Do ta kujtojmë gjithmonë për buzëqeshjen e sinqertë, gatishmërinë për të ndihmuar dhe shpirtin e tij të mirë që e sillte çdo ditë në punë”, thuhet në njoftimin e FC Prishtinës.
Klubi ka shprehur ngushëllimet më të sinqerta për familjen Ferataj, miqtë dhe të gjithë ata që e kanë njohur të ndjerin, duke theksuar se kujtimi i tij do të mbetet i paharruar.
Varrimi i Dren Feratajt do të bëhet nesër, në orën 14:00, me namazin e Ikindisë, në varrezat e Dragodanit.
“Le të prehet në paqe”, përfundon njoftimi i FC Prishtinës.