Ka ndërruar jetë Rexhep Haxhimusa, që ka dhënë kontribut të madh në zhvillimin e hendbollit ferizajas dhe hendbollit kosovar në përgjithësi.
Haxhimusa ishte kryetar i Gjykatës Supreme, ndërsa ka mbajtur edhe shumë pozita tjera të rëndësishme. Por ishte i përfshirë edhe në hendboll.
Në vitet tetëdhjeta të shekullit të kaluar, Haxhimusa ishte kryetar i klubit të famshëm ferizajas, Borci, tashmë i njohur si Kastrioti.
Pas luftës ishte pjesë e klubit të hendbollisteve Kastrioti.
Presidenti i Federatës së Hendbollit të Kosovës, Eugen Saraçini, në emër të komunitetit kosovar të hendbollit i shpreh ngushëllimet më të thella familjes së nderuar Haxhimusa.