Ndeshja miqësore ndërmjet Llapit dhe Lirisë u ndërpre në minutën e 82-të, pas pakënaqësive që kishte trajner i skuadrës nga Prizreni, Ismet Munishi, ndaj arbitrit kryesor të ndeshjes.
Munishi fillimisht protestoi për një ndërhyrje të palejuar, por aksioni nuk u ndal.
Më pas, Munishi hyri në fushë duke protestuar e arbitri kryesor e ndëshkoi me karton të kuq.
Në shenjë proteste, Munishi, e tërhoqi skuadrën nga fusha.
Për ndërprerjen e ndeshjes ka reaguar edhe skuadra nga Podujeva, që ishte vendase.