Wojciech Szczesny ka pranuar se humbi 100 euro në një bast me Lionel Messin gjatë ndeshjes Poloni – Argjentinë, pasi portieri i Juventusit ishte i bindur se VAR-i nuk do të akordonte penallti për ekipin nga Amerika e Jugut.
VAR-i doli në qendër të mërkurën mbrëma, duke dhënë një penallti të diskutueshme për Argjentinën kundër Polonisë. Szczesny gjatë një harkimi në tentim për të larguar topin, e goditi Messin në fytyrë pasi argjentinasi kishte goditur tashmë me kokë. Argjentinës iu dha penalltia pas rishikimit të sistemit VAR, dhe ndërsa arbitri po merrte një vendim, Szczesny vuri një bast me Messin.
“Ne folëm dhe vura bast 100 euro që VAR-i nuk do të jepte penallti. Prandaj, humba bastin me Messin”, ka thënë Szczesny. Ai tha që ka gjasa të dënohet nga FIFA për shkak të vënies nga basti, por shtoi se është i gatshëm ta pranojë dënimin.