Milani ka dëshpëruar jashtë mase tifozët e vet pas një disfate nga skuadra e ranguar në zonën e rënies nga liga, Spezia.
‘Rosonerët’ humbën me rezultat 2-0, teksa nuk shkoi asgjë sot për kampionët italianë
Sfidën e zhbllokoi mbrojtësi Przemyslaw Wisniewski duke shënuar në minutën e 71-të, përpara se mesfushori Salvatore Esposito të bombardonte portën me një eurogol nga gjuajtja e lirë në minutën e 85-të, për të mposhtur portierin Maignan, duke dyfishuar epërsinë.
E kjo humbje duket se nuk ka kaluar lehtë nga tifozët kuqezi që kishin udhëtuar në Spezia.
Tifozëria e kuqzinjëve ka grumbuluar lojtarët pas ndeshjes, për t’iu kërkuar llogari për këtë humbje.