Kosova të premten zbret në stadiumin “‘National Arena” në Bukuresht të Rumanisë ku do të ndeshet me kombëtaren rumune në kuadër të Ligës së Kombeve.
Udhëtimi i fundit i Kosovës në këtë stadium nuk ka qenë mikpritës, madje ndeshja i ndërpre për rreth 30 minuta për shkak të shfaqjes së banderolave dhe thirrjeve anti-Kosovë nga tifozët rumunë.
Edhe këtë herë gjasat që tensionet në stadium të jenë të mëdha dhe kjo shfaqet me thirrjet e vazhdueshme nga futbollistët rumun drejtuar tifozëve të tyre që të jenë të qetë dhe mos të shfaqin banderola nacionaliste.
Gjithsesi, Kosova deri tash nuk është marrë më këto gjëra, megjithatë, në momentin që në tribuna shfaqen banere të papranueshme ekipi do të reagojë menjëherë, madje edhe deri në largimin nga fusha e lojës. /GazetaSport