Elita e Futbollit të Kosovës vazhdon këtë mesjavë me ndeshjet e xhiros së 12-të. Padyshim vëmendja do të jetë te derbi i madh ndërmjet Dritës e Prishtinës, shkruan GazetaSport.
Drita po vazhdon me formë të mirë duke mbetur skuadra e pamposhtur deri tash dhe sigurisht që kjo e bënë favorite të madhe përball Prishtinës e cila ka luhatshmëri në rezultate. Megjithatë, për skuadrën e Ismet Munishit sfida e nesërme është jetike nëse dëshiron të mbetet në luftë për kreun apo do të dorëzohet qysh tash. Kjo edhe është arsyeja të pritet një luftë e madhe në fushë.
Përveç kësaj ndeshje, nesër luhet edhe përballja ndërmjet Ferizajt e Malishevës, ndërsa ditën e enjte luhen tri takime tjera: Llapi – Dukagjini, Ballkani – Trepça ’89 dhe Gjilani – Drenica. Të gjitha ndeshjet nisin nga ora 13:00. /GazetaSport