Newcastle United ka shënuar fitore të rëndësishme në shtëpi ndaj Manchester Unitedit.
Newcastle fitoi minimalisht 1:0 ndaj “Djajve të Kuq”, në ndeshjen e vlefshme për javën e 14-të në Premierligë.
Pjesa e parë nuk prodhoi gola, ndërsa ajo e dytë vetëm një të hershëm.
Anthony Gordon realizoi në minutën e 56-të pas asistimit të Kieran Trippier, që në fund doli të ishte goli i fitores.
Pas kësaj fitoreje, Newcastle shkon në kuotën e 26 pikëve në vendin e pestë në tabelë.
Kurse, Manchester United bie në pozitën e shtatë me dy pikë më pak.