Ylli i futbollit, Neymar, do të kthehet te Përfaqësuesja e Brazilit pas një kohe shumë të gjatë, shkaku i lëndimeve që e lanë jashtë fushës për afro një vjet e gjysmë.
Përzgjedhësi Dorival Junior njoftoi të enjten se 33-vjeçari do të ftohet për ndeshjet kualifikuese të Kupës së Botës ndaj Kolumbisë dhe Argjentinës.
Neymari u lëndua rëndë në gju në ndeshjen në udhëtim ndaj Uruguait në tetor të vitit 2023, gjatë kualifikimeve për Kupën e Botës 2026.
Prej asaj kohe nuk ka luajtur për pesë herë kampionin e botës.
Nga muaji shkurt, Neymari është pjesë e Santosit, pasi iu bashkua nga skuadra Al Hilal e Arabisë Saudite.
Neymari në futbollin elitar në atë vend, pati mungesa të shumta shkaku i lëndimeve dhe më pas vendosi të largohej.
Në kualifikimet e Amerikës së Jugut për Kupën e Botës, Brazili është i pesti me 18 pikë nga 12 ndeshje.
Gjashtë ekipet e para kualifikohen në Botërorin që zhvillohet në SHBA, Kanada dhe Meksikë.