Skuadra e Llapit, përkatësisht trajnerit Tahir Batatina, ka paralajmëruar ndryshime te skuadra në afatin kalimtar të janarit, kjo pasi rezultatet nuk ishin të pritshme në stinorin vjeshtor.
Nga ekipi priten të largohen disa lojtarë, ndërsa tashmë është ardhur konfirmimi i parë, shkruan GazetaSport.info.
Llapi me marrëveshje të dyanshme ka ndërprerë bashkëpunimin me sulmuesin Sokol Kiqina.
Njoftimi i plotë i KF Llapit:
Ndërpritet me marrëveshje bashkëpunimi me Kiqinën!
KF Llapi njofton se me marrëveshje të dyanshme kanë rënë dakord për mbylljen e bashkëpunimit me sulmuesin Sokol Kiqina.
Kiqina u bashkua me ne gjatë kësaj vere nga FC Feronikeli dhe u paraqit në 10 ndeshje zyrtare me klubin tonë.
Klubi ynë e falenderon për kontributin e dhënë dhe i dëshiron suksese në vazhdim të karrierës!
Suksese Kiqo 🙌
