Një numër i madh i tifozëve të kombëtares kroate u mblodhën në Split për të mirëpritur Vatre-n e njohur dhe mes tyre Ivana dhe Dino, një çift i sapomartuar që morën vëmendje në Riva me fustan nusërie dhe kostum elegant.
Në Rivën e Splitit që në orët e para të pasdites, tifozë të shumtë filluan të mblidhen për të festuar medaljen e bronztë të fituar nga kombëtarja kroate e futbollit.
Pas festës qendrore që u mbajt dje në Zagreb, organizuan një pritje zyrtare për Marko Livaja, Ivo Grbiq, Mario Pashalic, Ivan Perisic, Josip Juranovic dhe Nikola Vlashic.
Kroacia ka zënë vendin e tretë në botë
Ndërsa pjesa më e madhe e të mbledhurve kishin veshur fanella të kombëtares dhe veshje me motive flamuri, pra bardh e kuq, në turmë u dallua një çift.
Reklama
Të sapomartuarit Ivana dhe Dino mbërritën në festë me fustan nusërie dhe kostum – edhe pse u martuan të shtunën, ata patën një fotosesion zyrtar, pas së cilit nxituan në Riva.
Të veshur formalisht, dyshja shkuan drejt skenës, ku u fotografuan nga një gazetar i Pixsella.
Festa në Kroaci
Në mbarë Kroacinë sot janë organizuar pritje për përfaqësuesit, ndërsa përveç në Split, ceremoni janë mbajtur edhe në Varazhdin, Zadar dhe në Velika Gorica.
Kroacia ndryshe ka shënuar fitore ndaj Marokut me rezultat 2-1, në ndeshjen e vlefshme për vendin e tretë në Kupën e Botës Katar 2022.
Foto: Pixsell/Miroslav Lelas