Ballina-2

    Një tifoz i çmendur i Argjentinës shfaqet në majë të Obeliskut: frika në 67 metra lartësi (video)

    Fitimi i Kupës së Botës është ëndrra e një futbollisti, por është edhe një ëndërr e tifozëve të futbollit. Dhe kur fiton, përpiqesh ta festosh edhe atë moment, për ta bërë të paharrueshëm. Nga ana tjetër, të gjithë ata që përjetojnë një emocion kaq të madh kujtojnë saktësisht se me kë ishin dhe ku ishin në momentin e suksesit.

    Ka nga ata që janë përpjekur të bëjnë gjëra jashtëzakonisht të mëdha dhe kanë bërë diçka vërtet të paharrueshme, por jashtëzakonisht të rrezikshme. Një tifoz argjentinas u ngjit në Obeliskun e madh te Buenos Aires dhe u var nga maja e tij për një kohë të gjatë përpara se te zbriste.

    Buenos Aires u çmend nga gëzimi pas penalltisë së shndërruar ne gol nga Montiel. Një goditje perfekte, ajo e 4-2 nga penalltia, që i dha mundësinë Argjentinës të fitonte titullin pas 36 vitesh.

    Dhjetëra mijëra njerëz u derdhën në rrugë dhe sheshe. Një festë e bukur, e gëzueshme në të cilën u festua Messi, u kujtua Maradona dhe të gjithë kampionët e sotëm u lartësuan nga tifozët.