UEFA ja ka besuar një tjetër ndeshje të rëndësishme gjyqtarit kosovar, Genc Nuza në arenën ndërkombëtare.
Pasi javën e kaluar referoi në ndeshjen Plzen – Bayern Munich, këtë herë Nuza do të ndajë drejtësinë në ndeshjen kryesore të ditës së martë në Champions League për U19, ku do të ndeshen Benfica e Juventus.
Ndeshja mund të vendos edhe fatin e skuadrës që kualifikohet tutje andaj edhe pritet të jetë tejet e luftuar.
Genci në këtë takim do të gjykojë bashkë me Fatlum Berishën e Bujar Selimaj ndërsa gjyqtar i katërt do të jetë portugezi Flavio Dinis de Lima.
Ndeshja Benfica U19 – Juventus U19, do të luhet të martën nga ora 16:00.