Në prag të ndeshjes së 13-të kampionale, Drita – Ferizaj, skuadra bardhekaltër ka mbajtur konferencë për medie, ku u paraqitën kryetrajneri Ardian Nuhiu dhe futbollisti, Albin Krasniqi.
Kryetrajneri i Dritës, Ardian Nuhiu tha se nga ndeshja e nesërme duhet të kthehemi te fitorja.
“Djemtë po punojnë shumë dhe nga ndeshja e nesërme presim të kthehemi te fitorja dhe te realizimi i golave. Nuk diskutohet nuk do të jetë aspak e lehtë, kundërshtari pavarësisht rezultateve të fundit ka futbollistë cilësorë. Ne duhet të marrim mësim nga ndeshja e fundit me ta, ku na barazuan dhe na morën një pikë. Me respektin maksimal për kundërshtarin e nesërm, sepse ka futbollistë që dikur ishin pjesë e jona. Por, ne duhet që me qasje maksimale serioze të kthehemi te fitorja. Dhe që nesër të harrojmë ndeshjen e fundit dhe të vazhdojmë kampionatin”, ka thënë Nuhiu.
Kurse, futbollisti Albin Krasniqi ka thënë se Drita gjithmonë futet për fitore dhe atë do ta kërkojnë edhe nesër.
“Drita gjithmonë futet për fitore, për nesër jemi mobilizu dhe mendoj që do të japim maksimumin dhe të marrim tri pikë të ardhshme, të cilat janë shumë të rëndësishme për vazhdimësinë e kampionatit. Nesër presim me fitu, nuk është me rëndësi për rezultatin dhe numrin e golave, por ajo që tregojmë në fushë e kurorëzuar me fitore në fund”, ka thënë Krasniqi.