Ka përfunduar 1:1 ndeshja ndërmjet Gjilanit dhe Ballkanit e zhvilluar të hënën pasdite. Ishte kjo ndeshja e fundit e zhvilluar e xhiros së parë të Superligës së Kosovës në futboll.
Vendësit kaluan të parët në epërsi me golin që e realizoi Almir Aganspahiq në minutën e 29-të nga pika e bardhë. Aganspahiq u pengua në zonë nga sulmuesi i Ballkanit, Valentin Serebe.
Mysafirët shifrat i barazuan në minutën e 66-të me supergolin e realizuar nga Marsel Ismailgeci.