Ballkani ka bërë të ditur se ka emëruar një drejtor të ri sportiv.
Këtë post e ka marrë Omer Bunjaku, duke zëvendësuar kështu Nderim Nexhipin që iu bashkua Manisasporit muaj më parë.
Më poshtë mund të lexoni postimin e plotë (pa ndërhyrje) të Ballkanit:
Të dashur tifozë,
Kemi kënaqësinë që ta prezantojmë drejtorin e ri sportiv.
Shtëpia e madhe e kampionëve në Kosovë, pasurohet edhe me një kampion shqiptar.
Mirë se vjen Omer Bunjaku!
32 vjeçari nga Shkupi, detyrën e drejtorit sportiv e ka kryer me shumë sukses edhe në skuadrën e qytetit të tij, ku vitin e kaluar u shpallën kampion në Maqedoninë e Veriut, derisa arritën deri në PlayOff-in e Konferencës së Evropës.
Bunjakut i dëshirojmë suksese në arritjen e objektivave tona të përbashkëta.