Sulmuesit nigerian, Victor Osimhen, i përfundoi huazimi njëvjeçar te skuadra e Galatasarayt. Osimhen te gjiganti turk u huazua nga Napoli dhe tashmë është kthyer te kampioni i Serie A.
Megjithatë Osimhen nuk është në planet e trajnerit të Napolit, Antonio Conte, për edicionin 2025/26. Dhe është në kërkim të një skuadre të re.
26-vjeçari nuk e përjashton mundësinë që të luajë sërish me Galatën.
Kështu ka raportuar të hënën “Corriere Dello Sport”.
Galata do të duhet të paguajë klauzolën e lirimit të Osimhenit. Qendërsulmuesi ka klauzolë lirimi nga Napoli prej 75 milionë eurove.
Për Osimhenin kanë shprehur interesim edhe skuadra si Juventus dhe Paris Saint-Germain. Juve madje po insiston në transferimin e tij.